“Nasaf” to‘p surayotgan guruhda Xavi boshchiligidagi “As-Sadd” peshqadamga aylanib oldi. Endi jamoa Qarshiga keladi

Qatarning “As-Sadd” klubi Chempionlar Ligasining ketma-ket ikkinchi o‘yinida ham zafar quchishga muvaffaq bo‘ldi.

Ispaniyalik mashhur futbolchi Xavi to‘p suradigan jamoa ilk turni Amirliklarda o‘tkazib, irodali g‘alabaga erishgandi. Bu safar ular ligani yirik g‘alaba bilan boshlagan forslar yetakchisi “Persepolis”ni ishonchli hisob bilan mag‘lub eta oldi.

Shu tariqa “Nasaf” va “Persepolis”ning ochkolari tenglashdi. Navbatdagi turda eronliklar BAAda mehmon bo‘lsa, “Nasaf” Qarshida guruh yetakchisi “As-Sadd”ni qabul qiladi. Bellashuvlar 5-mart sanasiga tayin qilingan.

Chempionlar Ligasi

“C” guruhi. 2-tur

20-fevral, seshanba

Gol: Igor Golban, 57 (1:0).

Gollar: Bog‘dod Bunedjah, 36 (1:0). Bog‘dod Bunedjah, 51 (2:0). Bualim Kuki, 66 (3:0). Simak Nemati, 94+ (3:1).