Turizmni rivojlantirish qo‘mitasi raisining o‘rinbsarlari tayinlandi

O‘zbekiston Prezidenti farmoni bilan Turizmni rivojlantirish davlat qo‘mitasi raisining ikki o‘rinbosari tayinlandi. Bu haqda qo‘mita matbuot xizmati xabar bermoqda.

Faxriddin Davruqov Toshkent moliya instituti va Prezident huzuridagi davlat va jamiyat qurilishi akademiyasini tamomlagan. Moliya vazirligi, Raqobat qo‘mitasi va Vazirlar Mahkamasida turli vazifalarda xizmat qilgan. 2015-yildan “O‘zpaxtasanoateksport” xolding kompaniyasida boshqarma boshlig‘i bo‘lib ishlab kelayotgandi.

Abdulaziz Oqqulov Toshkent davlat iqtisodiyot universitetida xalqaro turizm yo‘nalishida tahsil olgan. Qo‘mitada 2006-yildan beri ishlaydi. 2017-yil yanvaridan qo‘mita turizm industriyasini muvofiqlashtirish va rivojlantirish boshqarmasini boshqarayotgandi.