AQShda maktab o‘quvchisi tabiatshunoslik fani o‘qituvchisini otib tashlashga urindi

Indiana shtatidagi (AQSh) Noblsvill shahrida joylashgan maktabda sodir bo‘lgan otishma oqibatida bir nafar o‘smir va o‘qituvchi jarohat oldi. Bu haqda Fox 59 nashriga tayanib, “Gazeta.ru” xabar berdi.

Guvohlarning so‘zlariga qaraganda, maktab o‘quvchisi darsdan so‘ng tabiatshunoslik fani o‘qituvchisi bilan gaplashib olish uchun sinf xonasida qolgan, biroq birozdan so‘ng u xonadan chiqib, qo‘lida pistolet bilan qaytib kelgan.

Ta’kidlanishicha, o‘qituvchi talabaning qo‘lidagi qurolni tortib olishga urinib, uni yerga yiqitishga muvaffaq bo‘lgan. Ayni vaqtda hujum uyushtirgan o‘quvchi hibsga olingan.

O‘quvchining jinoyatga qo‘l urishiga undagan sabablar hozircha noma’lum.