Namanganda Axsikent arxeologik yodgorligini tadqiq qilish ishlari boshlandi

Namanganda Axsikent arxeologik yodgorligini tadqiq qilish ishlari boshlandi. Shu munosabat bilan Namanganda viloyat hokimligi, Namangan davlat universiteti, muhandislik-qurilish va muhandislik-texnologiya institutlari, “Axsikent” arxeologiya merosi obyektini muhofaza qilish va tadqiq etish direksiyasi hamkorligida xalqaro anjuman tashkil etildi. Bu haqda O‘zA xabar berdi.

Mazkur tadbirda O‘zbekiston olimlari bilan birga AQSh, Xitoy, Yaponiya, Italiya, Qozog‘iston davlatlaridan arxeologiya sohasi mutaxassislari ham ishtirok etdi.

Anjumanda xorijlik olimlarning O‘zbekiston arxeologiya tadqiqotlarining o‘ziga xos jahatlari mavzusiga bag‘ishlangan ma’ruzalari ham tinglandi. Tadbir ishtirokchilari uchun ko‘hna Axsikent xarobalari bo‘ylab sayohat uyushtirildi.