O‘zbekistonda “Mehnatkash dehqon” ko‘krak nishoni ta’sis etildi

Prezident qaroriga muvofiq “Mehnatkash dehqon” ko‘krak nishoni ta’sis etildi. Bu haqda Adliya vazirligi ma’lum qildi.

“Mehnatkash dehqon” ko‘krak nishoni bilan ekin maydonlari unumdorligini oshirish borasida salmoqli ishlarni amalga oshirayotgan dehqon xo‘jaliklari rahbarlari, a’zolari, mirishkor dehqonlar va boshqa qishloq xo‘jaligi sohasi xodimlari taqdirlanadi.

Ko‘krak nishoni bilan taqdirlash bo‘yicha takliflar tuman qishloq xo‘jaligi bo‘limi, fuqarolarni o‘zini o‘zi boshqarish organlari faoliyatini muvofiqlashtirish bo‘yicha tuman kengashi hamda mahalla fuqarolar yig‘inlari bilan hamkorlikda tuman fermer, dehqon xo‘jaliklari va tomorqa yer egalari kengashi tomonidan shakllantiriladi.