AQShda samolyot havoga ko‘tarilish chog‘ida bug‘uga urilib, favqulodda qo‘nishga majbur bo‘ldi (foto va video)

Shimoliy Karolina shtatining Sharlott shahri aeroportida havoga ko‘tarilish chog‘ida bug‘u bilan to‘qnashib ketgan Bombardier CRJ700 samolyoti favqulodda qo‘nishga majbur bo‘ldi, deb xabar bermoqda “Korrespondent.net”.

Havo kemasi Missisipi shtatidagi Galfport shahriga yo‘l olgan edi. Samolyot bortida 44 yo‘lovchi bo‘lgan va ularning barchasi hodisadan so‘ng evakuatsiya qilingan.

Jabrlanganlar haqida ma’lumot yo‘q. Sharlott aeroporti ma’muriyati bo‘lib o‘tgan hodisadan keyin uchish-qo‘nish yo‘lagini ma’lum muddatga yopib qo‘ydi.

Ma’lum qilinishicha, to‘qnashuv oqibatida bug‘u samolyot qanotidagi yoqilg‘i baklaridan biriga zarar yetkazgan, oqibatda yoqilg‘i to‘kilgan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!