O‘zbekistondagi 2000 ga yaqin jome’ masjidida Qurbon hayiti namozi o‘qildi

21-avgust, seshanba kuni O‘zbekistondagi 2000 ga yaqin jome’ masjidida Qurbon hayiti namozi o‘qildi. Bu haqda O‘zA xabar bermoqda.

Dastlabki ma’lumotlarga ko‘ra, ularda 15 milliondan ortiq o‘zbekistonlik saodatli kun ibodatini ado etdi.

Qurbon hayiti namozi ma’ruzasida ezgu amallar mazmun-mohiyati, bugungi tinch va oobod kunlar qadri haqida so‘z bordi.

Qurbon hayiti namozidan so‘ng hamyurtlar yaqinlari holidan xabar olish, bir-birini qutlash uchun yo‘l oldi. Qurbonlik qilinayotgan xonadonlarga borildi.