Janubiy Koreyaning Inha universiteti talabalari Toshkentdagi Inhaga tashrif buyurdi

Janubiy Koreyaning Inha universiteti tibbiyot fakultetining bir guruh talabalari O‘zbekistonga tashrif buyurdi. Mehmonlarni Toshkentdagi Inha universiteti (IUT) vakillari kutib oldi, deb xabar bermoqda UzDaily.

Janubiy koreyalik talabalar Toshkent shahridagi bir qator sog‘liqni saqlash muassasalariga tashrif buyurdi va sohada amalga oshirilayotgan islohotlar bilan tanishdi.

Mehmon talabalar rus tilida tibbiyot sohasidagi terminlarni o‘rgandi. Shuningdek, sohaning bo‘lajak mutaxassislari O‘zbekiston madaniyati va o‘zbek xalqi an’analarini o‘rgandi.

Janubiy koreyalik talabalarning tashrifi ular uchun foydali bo‘ldi deb o‘ylayman. Bunday tashriflar O‘zbekiston va Janubiy Koreya halqi uchun bir-birini yaxshiroq tushunishga hamda o‘zaro aloqalarning rivojlantirishga yordam beradi.

Sarvar Boboxo‘jayev, IUT rektori

“Daryo”ning Telegram’dagi rasmiy kanali — @toshqindaryo’ga a’zo bo‘ling!