Titanik II ning qachon birinchi safarga chiqishi ma’lum bo‘ldi

Afsonaviy Titanik kemasining aniq nusxasini yaratayotgan Blue Star Line qurilish kompaniyasi Titanik II kemasining birinchi reysi qachon amalga oshirilishini ma’lum qildi, deb yozmoqda “Korrespondent.net”.

“Nusxa”ning birinchi safari 2022-yilga rejalashtirilgan. Kema Dubaydan ikki kunlik safarga chiqadi. Quruvchi kompaniya kemaning egasi ham hisoblanadi. Kompaniya o‘z saytida reysga chiptalar sotib olishni taklif qilmoqda.

Keyinchalik Titanik II Angliyaning Sauthempton va AQShning Nyu-York shaharlari o‘rtasida yozda qatnaydi, boshqa paytda esa boshqa xalqaro yo‘nalishlar bo‘yicha qatnovlarni amalga oshiradi.

Titanik II ning qurilishiga taxminan 500 million dollar ketadi.