MIB Toshkent shahrida yana bir firibgarlikni fosh etdi

Majburiy ijro byuroning Toshkent shahar Yunusobod tuman bo‘limiga fuqaro L.Abdulqodirov Toshkent shahar hududiy gaz ta’minot filiali 7-sonli Yunusobod tumalararo gaz ta’minoti xodimi I.Roziqovning noqonuniy harakatlari yuzasidan ariza bilan murojaat etgan, deb yozadi O‘zA.

Murojaat bo‘yicha tekshirishda, I.Roziqovning L.Abdulqodirovning xonadonini tabiiy gaz tarmog‘iga ulab berish va tegishli tashkilotlardan hujjatlarni rasmiylashtirib berishni va’da qilib, undan kelishuvga ko‘ra, 1 million so‘m va 300 AQSh dollari miqdoridagi naqd pul mablag‘larini o‘z shaxsiy ehtiyojlari uchun firibgarlik yo‘li bilan olgan vaqtida ushlangan.

Holat bo‘yicha I.Roziqovga nisbatan O‘zbeksiton Respublikasi JKning tegishli moddalari bilan jinoyat ishi qo‘zg‘atilib, tergov harakatlari olib borilmoqda.