Andijonda haydovchi yo‘lni kesib o‘tayotgan 2 piyodani urib yubordi. Piyodalardan biri voqea joyida vafot etdi

IIV matbuot xizmatining xabar berishicha, Andijon viloyatining Izboskan tumanida 2018-yil 20-noyabr kuni Paxtaobod tumanida yashovchi A.T. ukasi nomidagi Lacetti rusumli avtomashinani ishonch qog‘ozisiz “Qorayontoq” MFY hududidan o‘tuvchi “Chuvama-Paxtaobod” yo‘lining 2-kilometrida haydab ketayotib, yo‘lni kesib o‘tayotgan piyodalar, “Qorayontoq” MFYda yashagan U.M. va K.Z.larni urib yuborib, boshqaruvni eplay olmay yo‘l chetidagi simyog‘ochga borib urilgan.

Natijada U.M. olgan jarohatidan voqea joyida halok bo‘lgan, K.Z. va haydovchi A.T.lar kasalxonaga yotqizilganlar. Holat yuzasidan dastlabki tergovoldi harakatlari olib borilmoqda.