Sirdaryoda yillar davomida to‘lanmay kelingan 12 mlrd so‘m soliq qarzdorligi undirildi

Sirdaryo viloyat soliq boshqarmasi hamda MIB viloyat boshqarmasi, uning hududiy bo‘limlari hamkorligida soliq qarzdorliklarini majburiy undiruvga qaratish natijasida doimiy ravishda budjetga tushumlar ta’minlanishiga erishilmoqda. Bu haqda O‘zA xabar bermoqda.

—Budjet va budjetdan tashqari maqsadli jamg‘armalarga tushumlar bo‘yicha belgilab berilgan prognoz ko‘rsatkichlarini o‘z vaqtida bajarish borasida bir qator samarali ishlar amalga oshirilmoqda, — deydi viloyat davlat soliq boshqarmasi bo‘lim boshlig‘i Doniyor Jumayev. —Jumladan, yillar davomida undirilmay kelingan Sayxunobod tumani davlat soliq inspeksiyasi soliq to‘lovchisi “Oqoltindonmahsulotlari” aksiyadorlik jamiyatining mavjud debitorlik qarzdorligi hisobidan “Ohangarondon” AJdan 9,5 milliard so‘m, “Xovosdonmahsulotlari” AJning mavjud debitorlik qarzdorligi hisobidan “Toshkentdon” AJdan 2,6 milliard so‘m undirildi.