“Xalqlar do‘stligi” maydonida 4 kun davomida vatanparvarlik festivali o‘tkaziladi

Toshkent shahrida joylashgan “Xalqlar do‘stligi” san’at saroyi yonidagi maydonda harbiy vatanparvarlik festivali bo‘lib o‘tadi. Bu haqda Mudofaa vazirligi matbuot xizmati “Daryo”ga ma’lum qildi.

14-yanvar — Vatan himoyachilari kuni munosabati bilan Mudofaa, Ichki ishlar, Favqulodda vaziyatlar vazirliklari, Milliy gvardiya hamda DXX Chegara qo‘shinlari qo‘mondonligi bilan hamkorlikda tashkil etilayotgan festivallar 11, 12, 13 va 14-yanvar kunlari soat 14:00 dan 18:00 ga qadar o‘tkaziladi.

Tadbirlarda taniqli estrada xonandalari va harbiy san’atkorlar tomonidan konsert dasturlari, harbiy texnika va qurol-aslaha namunalarining namoyishi, harbiy xizmatchilarning ko‘rgazmali chiqishlari taqdim etiladi.