Morata Madridga qaytadigan bo‘ldi

“Chelsi” hujumchisi Alvaro Morata yanvar oyidayoq “Atletiko Madrid” klubiga o‘tadi, deb xabar berdi Cadena Cope.

Madrid klubi londonliklar bilan 26 yoshli ispaniyalikni mavsum oxiriga qadar ijaraga olish borasida kelishib oldi.

Tez orada futbolchining “Atletiko”ga o‘tishi haqida rasmiy xabar beriladi.

Eslatib o‘tamiz, Alvaro Morata ushbu mavsumda 16 ta uchrashuvda maydonga tushib, 5 ta gol urishga muvaffaq bo‘ldi.

Qayd etish joiz, futbolchi “Chelsi”ga kelishdan avval Madridning boshqa jamoasi “Real”da to‘p surgan.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!