“Vaqf” fondi Surxondaryodagi qishloqlarga suv yetkazib beradi

Surxondaryo viloyati, Sariosiyo tumani Bog‘i Obod, Sebzor va Ehtirom mahallalari aholisiga “Vaqf” xayriya jamoat fondi tomonidan ichimlik suvi etkazilib beriladi. Bu haqda “Vaqf” xayriya jamoat fondi matbuot xizmati xabar berdi.

23-yanvar kuni 12 ming nafarga yaqin aholi yashovchi ushbu qishloqlarga toza ichimlik suvi tarmog‘ini o‘tkazish uchun sovuq suvga mo‘ljalangan 1000 metr quvur “Vaqf” xayriya jamoat fondi tomonidan sotib olingan.

Ushbu quvurlar yaqin kunlarda o‘rnatilib, suvga muhtoj bo‘lgan qishloqlarga suv yetkazib beriladi.

Bu ishlarni amalga oshirish maqsadida “Vaqf” xayriya jamoat fondi tomonidan “Obi-hayot” nomli aksiya tashkil etilgan.