Toshkentda “Uzbekistan-2035” Ikkinchi xalqaro forumi bo‘lib o‘tadi

5—6-fevral kunlari O‘zbekiston Respublikasi Prezidenti huzuridagi Davlat boshqaruvi akademiyasida “Uzbekistan-2035” Ikkinchi xalqaro forumi bo‘lib o‘tadi, deya xabar beradi “Daryo”ga “Buyuk Kelajak” XNNT matbuot xizmati.

“Buyuk Kelajak” XNNT tomonidan tashkil etilayotgan forum davomida ekspertlar 2035-yilgacha O‘zbekistonning uzoq muddatli rivojlanish Strategiyasi Konsepsiyasi loyihasining muhim iqtisodiy va siyosiy yo‘nalishlari taqdimoti bilan eksklyuziv hisobotlar taqdim etadi.

Ekspertlar guruhi tomonidan tayyorlangan uzoq muddatli rivojlanish Strategiyasi Konsepsiyasi loyihasi bo‘yicha takliflarni muhokama qilishda deputatlar, davlat organlari, ilmiy va ta’lim muassasalari va xalqaro tashkilotlar vakillari ishtirok etadi.