Toshkentda 3 oylik farzandini 300 AQSh dollariga sotishga uringan ota-ona qo‘lga tushdi

Bosh prokuratura huzuridagi departamentning Toshkent shahar boshqarmasi tomonidan IIB xodimlari bilan hamkorlikda tezkor tadbir o‘tkazdi, deb xabar berdi Bosh prokuratura matbuot xizmati.

Tezkor tadbir davomida fuqarolar P.G. va G.P.lar o‘zlarining 3 oylik o‘g‘il farzandi M.ni fuqaro N.I.ga Mirzo Ulug‘bek tumani, A.Yugnakiy mavzesida 300 AQSh dollariga sotayotgan vaqtida ashyoviy dalillar bilan ushlangan.

Mazkur holat yuzasidan P.G. va G.P.larga nisbatan O‘zbekiston Respublikasi Jinoyat kodeksining 135-moddasi (odam savdosi) 3-qismi “a” bandi bilan jinoyat ishi qo‘zg‘atilib, tergov harakatlari o‘tkazilmoqda.