Dunyoning eng ko‘p maosh oladigan futbolchilari ma’lum bo‘ldi

Fransiyaning L’Equipe nashri Yevropaning Top-5 chempionatlarida eng ko‘p maosh oladigan futbolchilar ro‘yxatini e’lon qildi.

Eng ko‘p maosh oladigan futbolchi — “Barselona” hujumchisi Lionel Messi. Uning soliq to‘lovlarigacha bo‘lgan oylik maoshi oyiga 8,3 million yevroni tashkil etadi. 2-o‘rinni 4,7 million yevro bilan “Yuventus” hujumchisi Krishtianu Ronaldu egallagan. 3-pog‘onani esa Antuan Grizmann 3,3 million yevro bilan band qilgan.

Bundesligada eng ko‘p haq to‘lanadigan futbolchi “Bavariya” hujumchisi Robert Levandovski hisoblanib, oyiga 1,37 million yevroni tashkil etadi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!