APLda yanvar oyining eng yaxshi futbolchisi nomi e’lon qilindi
“Manchester Yunayted” hujumchisi Markus Reshford Angliya premyer ligasida yanvar oyining eng yaxshi futbolchisi deb topildi, deb xabar beridi APLning Twitter’dagi rasmiy sahifasida.
Yanvar oyida 21-yoshli angliyalik 5 ta uchrashuvda maydonga tushib, 4 ta gol urdi va 1 ta golli uzatma berishga erishdi.
Bundan tashqari mazkur sovringa darvozabon Tom Hiton (“Byornli”), yarim himoyachi Joshua King (“Bornmut”), hujumchi Aleksandr Lyakazett (“Arsenal”), xavbek Jeyms Uord-Prouz (“Sauthempton”) va himoyachi Viktor Lindelyof (“Manchester Yunayted”) da’vogarlik qilgandi.
Avvalroq “Manchester Yunayted” bosh murabbiyi Ole-Gunnar Sulsher yanvar oyining eng yaxshi murabbiyi deb topilgani haqida xabar berilgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Manba: Daryo.uz