Isroil Madrimov professional boksdagi 2-jangida raqibini 2-raunddayoq nokautga uchratdi
10-mart, yakshanba tongida professional boksning super yarim o‘rta (-69,85 kg) vazn toifasi vakili o‘zbekistonlik Isroil Madrimov (1 ta g‘alaba, 1 nokaut) AQShning Nyu-York shahrida o‘zining ikkinchi jangini o‘tkazdi.
Madrimovga bu jangda venesuelalik Frenk Roxas(24 ta g‘alaba, 2 ta mag‘lubiyat) raqiblik qildi. 10 raundga mo‘ljallangan jang atigi 2-raundga cho‘zildi, xolos. Isroilning ketma-ket bergan zarbalari natijasida Roxas nokautga uchradi va jang muddatidan avval hal bo‘ldi.
Shu tariqa Isroil Madrimov professional boksdagi 2-jangida 2-nokauti orqali g‘alaba qozonib, 1-jangida qo‘lga kiritgan WBA Intercontinental kamarini munosib himoya qildi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Manba: Daryo.uz