Toshkentda o‘tkinchining telefonini foydalanish uchun so‘rab, olib qochgan shaxs ushlandi

2019-yil 13-mart kuni Toshkent viloyatining Angren shahrida yashovchi F.A. IIBga murojaat qilib, shu yil 27-fevral kuni A.Temur ko‘chasida B.H. ismli shaxs undan RedMi 5 rusumli mobil telefonini qo‘ng‘iroq qilish uchun olib, voqea joyidan yashiringanligini ma’lum qilgan. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar bermoqda.

Ko‘rilgan choralar natijasida B.H. ushlangan. Holat yuzasidan jinoyat ishi qo‘zg‘atilib, tergov harakatlari olib borilmoqda.