Ichki ishlar vazirligining markaziy apparatida va hududlarda rahbarlik lavozimlariga tayinlovlar amalga oshirildi

O‘zbekiston Respublikasi Ichki ishlar vazirligining markaziy apparatida va hududlarda rahbarlik lavozimlariga tayinlovlar amalga oshirildi. Bu haqda vazirlik matbuot xizmati xabar bermoqda.

Podpolkovnik Umarov Kamoliddin Baxriddinovich Ichki ishlar vazirligi Jizzax akademik litseyi direktori lavozimiga, mayor Abdullayev Shuxrat Rasuljanovich Qoraqalpog‘iston Respublikasi IIV Patrul-post xizmati va jamoat tartibini saqlash boshqarmasi boshlig‘i lavozimiga tayinlandi.

Polkovnik Alikariyev Murodilla Saydullayevich Toshkent shahar IIBB Patrul-post xizmati va jamoat tartibini saqlash boshqarmasi boshlig‘i, mayor Amanov Ismoil Isoqulovich Jizzax viloyati IIB Tashkiliy boshqarma boshlig‘i bo‘ldi.

Podpolkovnik Xo‘jaxonov Avazbek Ergashevich Namangan viloyati IIB Namangan shahar bo‘yicha ichki ishlar organlari faoliyatini muvofiqlashtirish boshqarmasi boshlig‘i lavozimini, polkovnik Dadajanov Muxammadjon Ibragimovich Namangan viloyati IIB Mingbuloq tumani ichki ishlar bo‘limi boshlig‘i lavozimi, mayor

Abduvaliyev Umarjon Xasanboyevich Namangan viloyati IIB Norin tumani ichki ishlar bo‘limi boshlig‘i lavozimini egalladi.

Mayor Muxammadiyev Otabek Rustamovich Samarqand viloyati IIB Kattaqo‘rg‘on shahar ichki ishlar bo‘limi boshlig‘i lavozimiga, mayor Ibragimov Baxodir Botirovich Samarqand viloyati IIB Oqdaryo tumani ichki ishlar bo‘limi boshlig‘i lavozimiga tayinlandi.