O‘zbekistonda quyosh panellari ishlab chiqaruvchi qo‘shma korxona ishga tushadi

O‘zbekiston davlat aktivlarini boshqarish agentligi va Turkiyaning End?striyel Elektrik Elektronik San. ve Tic. Ltd. ?ti. kompaniyasi Vip Solar Endustriyel Uz qo‘shma korxonasini ishga tushiradi. Bu haqda “Sputnik” xabar berdi.

Prezident qarori loyihasida ta’kidlanishicha, ushbu qo‘shma korxona 200 MVt quvvatga ega zamonaviy quyosh panellarini ishlab chiqarishga ixtisoslashadi.

Qo‘shma korxonaning ustav kapitali 30 million dollarni tashkil qiladi.

Bundan tashqari, 2021—2023-yillar mobaynida korxona yordamchi asbob-uskuna, jumladan, invertor, kollektor va boshqa turdagi energiya tejovchi asbob-uskuna va texnologiyalar ishlab chiqaradi.

Qarorda aytilishiga ko‘ra, qo‘shma korxona 2022-yilning 1-yanvarigacha yagona soliq to‘lovi va bir qator bojxona to‘lovlaridan ozod qilinadi.