Poroshenko saylovning ikkinchi bosqichida Zelenskiy bilan debat o‘tkazishga rozi bo‘ldi

Ukraina prezidenti Pyotr Poroshenko prezidentlik saylovlarining ikkinchi turida raqibi Vladimir Zelenskiy bilan stadionda debat o‘tkazishga rozi bo‘lgan, deya xabar beradi “Exo Moskvi”.

Saylovning birinchi bosqichi natijalariga ko‘ra, Vladimir Zelenskiy ovozlarning 30 foizidan ko‘prog‘ini va Pyotr Poroshenko esa 16 foizga yaqin ovoz to‘plagan.

Ukrainada o‘tkazilgan so‘nggi so‘rovlar 21-aprelda saylovchilarning 50 foizga yaqini aktyor va shoumen uchun, 20 foizga yaqini hozirgi prezident uchun ovoz berishga tayyor ekanini ko‘rsatmoqda.