Rossiyaning Krasnoyarsk o‘lkasi osmonidan meteorit uchib o‘tdi (video)

Internetda Rossiyaning Krasnoyarsk o‘lkasi osmonidan meteorit uchib o‘tgani aks etgan video paydo bo‘ldi, deb yozadi “RIA Novosti”.

Rolikda obyektning yaraqlagani va ikki marta chaqnab, keyin so‘nganini ko‘rish mumkin.

Mahalliy aholi vakillari aytishicha, yorqin oq-yashil obyekt tez uchib o‘tib, so‘ng osmonga singib ketgan. “U Yerga parallel tarzda juda katta tezlikda parvoz qildi… Voqea besh soniyadan ko‘p davom etmadi”, — dedi ulardan biri.

O‘lka bo‘yicha favqulodda vaziyatlar boshqarmasi uchar obyekt haqidagi ma’lumotni tasdiqlamadi.