Samarqandda FHDYo arxivlari endi elektron raqamlash tizimiga o‘tiladi

Germaniyaning MICROBOX CmbH kompaniyasi tomonidan ishlab chiqilgan HICH-END V-SKANER LIZARD A2 qurilmasi Samarqand shahar FHDYo organlariga elektron arxivni shakllantirish uchun foydalanishga topshirildi. Bu haqida “Daryo”ga viloyat Davlat xizmatlari agentligi xabar berdi.

2022-yilning 1-yanvariga qadar ushbu maxsus elektron qurilma Samarqand viloyatidagi barcha FHDYo organlariga o‘rnatilib, “FHDYo yagona elektron arxivi” tizimi shakllantiriladi. Shuningdek, ushbu qurilma bilan ishlaydigan arxivarius lavozimlari joriy etiladi.

Ushbu qurilma orqali barcha FHDYo organlarida aholiga tezkor ravishda FHDYo arxiv ma’lumotnomalari va axborotni olish imkoniyatini beruvchi fuqarolik holati yagona elektron arxivi shakllantiriladi.