Kim Chen Inning singlisi Rossiya va KXDR sammiti arafasida Vladivostokka keldi

22-aprel kuni Shimoliy Koreya rahbari Kim Chen Inning Koreya ishchi partiyasi markaziy qo‘mitasi targ‘ibot va tashviqot boshqarmasi boshlig‘ining birinchi o‘rinbosari lavozimini egallab kelayotgan singlisi Kim Yo Chjon Vladivostokka kelgan. Bu haqda “TASS” xabar berdi.

Xabarda aytilishicha, u Rossiya va KXDR sammitiga so‘nggi tayyorgarlikni yakuniga yetkazish maqsadida kelgan.

Kim Yo Chjon u yerda undan avvalroq kelgan davlat kotibi Kim Chxan Son bilan uchrashgan.

Qayd etilishicha, KXDR rahbarining Rossiyaga tashrifi Vladimir Putinning taklifiga binoan o‘tkaziladi. Sammitning o‘tkazilishi vaqti va joyi ma’lum qilinmagan.