Toshkentda gulqog‘oz sexining omborida yong‘in sodir bo‘ldi

Toshkent shahrining Olmazor tumani Usta Shirin ko‘chasida joylashgan “Agregat” zavodida ijarada ishlayotgan gulqog‘oz ishlab chiqarish sexining yarim tayyor mahsulotlari saqlanadigan omborida 24-aprel kuni yong‘in sodir bo‘ldi. Bu haqda IIV xabar berdi.

Oqibatda omborning yarim tayyor mahsulotlari qisman yonib zarar ko‘rgan. Ko‘rilgan choralar natijasida yong‘in o‘chirilgan. Jarohat olganlar yo‘q.

Yong‘in kelib chiqish sabablari va keltirilgan moddiy zarar miqdori o‘rganilmoqda.