Pol Pogba “Real” bilan shaxsiy kelishuvga erishdi

“Manchester Yunayted” yarim himoyachisi Pol Pogba “Real”ga o‘tishga yaqin turibdi. Bu haqda AS xabar berdi.

Fransiyalik “Qirollik klubi” bilan shaxsiy shartnoma bo‘yicha kelishib oldi. Agar futbolchi Madridga ko‘chib o‘tadigan bo‘lsa, soliq to‘lovlaridan tashqari yiliga 12 million yevro maosh oladi.

Qayd etilishicha, futbolchi 2016-yilda “Yuventus”dan “Manchester Yunayted”ga o‘tish vaqtida uzoq davom etgan kelishuvlardan qochishni o‘ylamoqda.

Eslatib otamiz, Pol Pogba joriy mavsum Angliya chempionatida 32 ta uchrashuvda maydonga tushib, 13 ta gol urdi va 9 ta golga assistentlik qildi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!