Yangiyo‘lda oshxona xodimasi o‘z boshlig‘ini pichoqlab, o‘ldirib qo‘ydi

Toshkent viloyatining Yangiyo‘l tumanida oshxona ishchisi, 26 yoshli D.M. ismli ayol o‘zaro janjal tufayli oshxonaning 30 yoshli ish boshqaruvchisi K.U.ni pichoqlab qo‘ydi.

IIV Jamoatchilik va OAV bilan aloqalar boshqarmasidan xabar berishlaricha, voqea 5-may kuni “Sharq yulduzi” kompaniyasiga qarashli “Orom” oshxonasida sodir bo‘lgan.

Oqibatda K.U. kasalxonaga yotqizilgan va ko‘rsatilgan tibbiy muolajalarga qaramay, vafot etgan. D.M. qo‘lga olingan.

Holat yuzasidan jinoyat ishi qo‘zg‘atilib, tergov harakatlari olib borilmoqda.