» » Toshkentliklar “Sheremetyevo”dagi fojiadan so‘ng Rossiya elchixonasiga gullar olib kelmoqda

Toshkentliklar “Sheremetyevo”dagi fojiadan so‘ng Rossiya elchixonasiga gullar olib kelmoqda


Toshkent aholisi Moskva shahrining “Sheremetyevo” aeroportida sodir bo‘lgan aviahalokat so‘ng Rossiya elchixonasi binosi oldiga motam ramzi sifatida gullar olib kelishmoqda. Bu haqda Sputnik xabar berdi.

Avvalroq Shavkat Mirziyoyev Moskva shahrining “Sheremetyevo” aeroportida samolyotning favqulodda qo‘nishi oqibatida insonlar halok bo‘lgani munosabati bilan Vladimir Putinga hamdardlik maktubi yo‘llab, halok bo‘lganlarning yaqinlariga samimiy ta’ziya va hamdardlik bildirib, jarohat olganlarning tez fursatda sog‘ayishlarini tilagan edi.

5-may,yakshanba kuni kechqurun Moskva-Murmansk yo‘nalishi bo‘yicha parvozni amalga oshirayotgan Sukhoi Superjet-100 samolyoti halokatga uchradi. Parvozning 28-daqiqasidan so‘ng ekipaj aeroportga favqulodda qaytishga qaror qildi.

Yomon ob-havo tufayli samolyot ikkinchi urinishdan so‘ng yerga qo‘nishga erishgan. Keskin qo‘nish natijasida layner shassi stoykalari sinib ketib, dvigatellari yonib ketgan.

Keyinchalik yong‘in samolyotning qanot qismiga o‘tgan. Halokat oqibatida 41 kishi halok bo‘ldi, 33 nafar yo‘lovchi va 4 nafar ekipaj a’zolari omon qoldi.

Viloyatda uch kunlik motam e’lon qilindi. Halok bo‘lganlarning oila a’zolariga bir million rubl (15 500 dollar), jabrlanganlarga 500 ming rubl (7 700 dollar) beriladi.

Fojiadan so‘ng Tergov qo‘mitasi jinoiy ish qo‘zg‘atdi. Rossiya bosh vaziri Dmitriy Medvedev tergov o‘tkazish bo‘yicha davlat komissiyasini tuzish to‘g‘risida topshiriq berdi.

O‘zbekiston TIV xabariga ko‘ra, 2019-yilning 6-may kuni ertalab holatiga ko‘ra 5-mayda Moskvadagi “Sheremetevo” aeroportiga samolyotning favqulodda qo‘nishi natijasida qurbon bo‘lganlar va jarohatlanganlar orasida O‘zbekiston fuqarolari yo‘q.



Manba: Daryo.uz
Опубликовано: admin (6-05-2019, 19:59)
0 (голосов: 0)
Комментариев пока еще нет. Вы можете стать первым!

Добавить комментарий!


vote-iconОПРОС
Что нужно улучшить на нашем сайте?

КТО НА САЙТЕ?
( 19) ( 0) ( 18) ( 1)
Юзеры:
- отсутствуют
Роботы:
Последние 20 посетителей... - отсутствуют