Turkiya muxolifati Istanbul meri lavozimiga qayta saylovlarga yana Akrom Imomo‘g‘li nomzodini ilgari suradi

Turkiyaning muxolifatdagi Respublika xalq partiyasi Istanbul meri lavozimiga qayta saylovlarda Akrom Imomo‘g‘li nomzodini ilgari suradi. Bu haqda partiya rahbari Kamol Qilichdoro‘g‘li ma’lum qildi, deya xabar beradi “RIA Novosti”.

U Turkiya Markaziy saylov komissiyasi natijalarini bekor qilgan 31-mart kungi saylovlarda g‘olib chiqqandi.

“Akrom Imomo‘g‘li 23-iyun kuni 16 million istanbulliklarning nomzodi bo‘ladi. Biz saylovlarda ishtirok etamiz. U boy va qashshoqlarning nomzodi, barcha istanbulliklarni birlashtiruvchi yagona nomzod”, — dedi Qilichdoro‘g‘li.

Muxolifat partiyasi rahbari o‘z qarori bilan saylov natijalarini bekor qilgani uchun MAKni qoraladi.