Green Card natijalari e’lon qilingan sayt qotib qoldi

7-may kuni AQSh davlat departamentining saytida 2019-yilgi Green Card lotereyasi natijalari e’lon qilina boshlandi. Biroq saytga kiruvchilar soni ko‘payib ketgani sabab sayt qotib qoldi, deb xabar beradi Forum Daily.

Green Card natijalari Davlat departamentining saytida 2020-yilning 30-sentabriga qadar turadi va bu vaqt davomida lotereya natijalari o‘zgarmaydi.

Lotereya g‘oliblari AQShda muqim yashash, shuningdek, Amerika fuqarolarining ko‘plab huquqidan foydalanish imkoniyatini qo‘lga kiritadi, faqatgina saylovlar qatnasha olmaydi va fuqarolikni 5 yildan so‘ng olishi mumkin.

Natijalarni tekshirish uchun ariza topshirgan vaqtda taqdim etilgan nomer, ariza beruvchining familiyasi va tug‘ilgan yilini quyidagi manzilga kiritishi lozim: https://www.dvlottery.state.gov/