Qozog‘iston prezidentligi sayloviga nomzodlarni ro‘yxatga olish muddatidan oldin tugatildi

Qozog‘iston markaziy saylov komissiyasi mamlakat prezidentligi sayloviga nomzodlarni ro‘yxatga olish muddatidan oldin to‘xtatilganini ma’lum qildi, deb xabar berdi “Tengrinews”.

11-may kuni 18:00 da prezidentlikka nomzodlarni ro‘yxatga olish bosqichi taqvim rejasiga muvofiq tugaydi.

“Prezidentlikka ilgari surilgan nomzodlar konstitutsiya va ‘Saylov to‘g‘risida’gi konstitutsiya qonuniga muvofiq markaziy saylov komissiyasi tomonidan 6-mayga qadar ro‘yxatga olindi.

Markaziy saylov komissiyasi tomonidan qabul qilingan bir nechta qarorlar ro‘yxatga olish bosqichini muddatidan avval yakunlash imkonini berdi:

Prezidentlik sayloviga ro‘yxatdan o‘tgan barcha nomzodlarning  ism-familiyasi e’lon qilindi. Jumladan, amaldagi prezident Qosim-Jo‘mart To‘qayev, Sodiqbek Tugel, Amangelda Taspixov, Daniya Yespayeva, Toleutay Rahimbekov, Jambil Axmetbekov va Amirjan Kosanov.