Humo Arena muz saroyida Xotira va qadrlash kuni munosabati bilan konsert o‘tkazildi (foto)

7-may kuni Toshkentda Humo Arena muz saroyida Xotira va qadrlash kuni munosabati bilan katta konsert bo‘lib o‘tdi. Bu haqda muz saroyi axborot xizmati xabar berdi.

Kechki konsert dasturida jahonga mashhur figurachilar, rossiyalik mashhur estrada yulduzlari va milliy estrada yulduzlari ishtirok etdi.

Muz ustida olimpiya chempionlarining ko‘rinishi, Yevropa va jahon figurali uchish chempionlari: Drobyazko va Povilas Vanagas, Mariya Petrova va Aleksey Tixonov, Yelena Yovanovich va Nodari Maisuradze, Aleksey Yagudin, Adelina Sotnikova, shuningdek, Tatyana Navka va Roman Kostomarovlarning chiqishlari gulduros qarsaklar bilan kutib olindi. Shuningdek, rossiyalik taniqli estrada xonandasi Oleg Gazmanov hamda Italiyaning afsonaviy “Ricchi E Poveri” estrada guruhining chiqishlari tomoshabinlarga ko‘tarinkilik bag‘ishladi. Milliy estrada yulduzlari Ozodbek Nazarbekov, Yulduz Usmonova, Sevara Nazarxonlar ham o‘zlarining bayramga atab tayyorlab kelgan jonli ijrolari bilan tomoshabinlarni xursand qildi.