La Liga klublarining o‘tgan mavsumgi daromadi rekord darajaga yetdi

Ispaniya futbol federatsiyasining so‘nggi iqtisodiy va moliyaviy hisobotiga ko‘ra, La Liga klublari o‘tgan mavsumda 4,5 milliard yevro daromad oldi.

Bu rekord ko‘rsatkich hisoblanadi, shu bilan birga o‘tgan mavsumdagiga nisbatan 20,6 % ko‘proqni tashkil etadi.

Qayd etish joiz, futbolchilar trasferining 2 baravar oshgani va 1,02 milliard yevroga yetgani (+104,3%), shu bilan birga tijoriy daromadlarning 838 million yevroni tashkil etgani (+34,1%) klublar daromadi o‘sishining asosiy omillaridan biri hisoblanadi.

Shuningdek, yalpi daromad (EBITDA) 945 million yevro (20,7 foizga o‘sdi), sof foyda esa 189 million yevroni (+6,7 %) tashkil etdi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!