Fransiyada Eyfel minorasining 130 yilligi dabdaba bilan nishonlandi (video)

Eyfel minorasi qurilganiga 130 yil to‘lishi munosabati bilan Parij markazida elektron musiqa sadolari ostida tantanali konsert bo‘lib o‘tdi, deb xabar beradi “TASS”.

Qorong‘u tushishi bilan minora lazer projektorlar yordamida yoritilib, monument tarixi haqida ma’lumotlar berildi.

Bundan tashqari Parij meri Ann Idalgoning topshirig‘iga ko‘ra, 6 yoshdan 12 yoshgacha bo‘lgan 1300 nafar maktab o‘quvchiga Eyfel bo‘ylab bepul ekskursiya uyushtirildi. Kechki soat 21:30 dan boshlab taniqli fransuz qo‘shiqchi va bastakori Jann Added o‘z chiqishlarini namoyish etdi.