Xitoyda fabrikaning ming kvadrat metrga teng tomi qismi qulab, o‘n kishini bosib qoldi

16-may kuni Shanxayda joylashgan fabrikaning bir ming kvadrat metrga teng bo‘lgan tom qismi qulab tushdi. “TASS” bergan xabarlarga ko‘ra, fabrikada rekonstruksiya ishlari olib borilgan.

Ma’lumotlarga ko‘ra, 10 ga yaqin odam vayronalar ostida qolgan. Jabrlanganlar haqida boshqa ma’lumotlar yo‘q.

Hodisa ro‘y bergan joyda qutqaruv operatsiyasi davom etayotgani, qutqaruvchilar uch kishini vayronalar ostidan olib chiqqani aytilmoqda.