Futbol bo‘yicha JCh—2022 musobaqasi uchun qurilgan ilk stadion taqdim etildi (foto)

Qatarda 2022-yilgi Jahon Chempionati uchun qurilgan birinchi stadioni foydalanishga topshirildi. Bu haqda AFP xabar berdi.

Mazkur stadionni Qatar amiri Kubogi finali doirasida o‘tgan “As-Sadd”—“Al-Duhayl” uchrashuvi ochib berdi (4:1).

Yangi stadion 40 ming tomoshabinga mo‘ljallangan bo‘lib, qurilish uchun sarflangan mablag‘ 575 million dollarni tashkil etdi.

Eslatib o‘tamiz, Qatarda yoz faslida havo harorati yuqori bo‘lganligi bois, tarixda ilk marta Jahon Chempionatini noyabr-dekabr oylarida o‘tkazish mo‘ljallanmoqda.

Shuningdek, Jahon Chempionati—2022 musobaqasi ishtirokchilari soni 32 tadan 48 taga oshirilishi mumkin — bu hali ma’lum emas.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!