Chilonzorda mast fuqaro qarovsiz qoldirilgan Lacetti’ni haydab qochdi

2019-yil 16-mayga o‘tar kechasi noma’lum shaxs Toshkent shahrining Chilonzor tumanida yashovchi 41 yoshli J.A.ning uyi oldida eshiklari ochiq holda hamda kaliti o‘zida qarovsiz qoldirilgan Lacetti rusumli avtomashinasini haydab qochgan. Bu haqda O‘zbekiston Respublikasi IIV Jamoatchilik va OAV bilan aloqalar boshqarmasi xabar qiladi.

Ko‘rilgan choralar natijasida ushbu jinoyatni Chilonzor tumani 16-dahada yashovchi 26 yoshli F.S. mast holda sodir etganligi aniqlanib, qo‘lga olingan. Avtomashina Chilonzor tumani 10-dahasidan texnik soz holda topilgan. Holat yuzasidan jinoyat ishi qo‘zg‘atilib, tergov harakatlari olib borilmoqda.