Toshkentda teatr oldida qarovsiz qoldirilgan Nexia’ni olib qochgan yigit ushlandi

Toshkentning “Muqumiy” teatri binosi oldida Qibray tumanida yashovchi 39 yoshli T.M.ning eshiklari ochiq va kaliti o‘zida, qarovsiz qoldirilgan Nexia’si noma’lum shaxs tomonidan olib qochilgan.

IIV Jamoatchilik va OAV bilan aloqalar boshqarmasining xabar berishicha, voqea 18-may kuni sodir bo‘lgan.

Ko‘rilgan choralar natijasida jinoyatni Sergeli tumani Quruvchilar ko‘chasida yashovchi 21 yoshli X.Z. sodir etganligi aniqlangan va mashinani Bunyodkor ko‘chasida haydab ketayotganida ushlangan.

Holat yuzasidan jinoyat ishi qo‘zg‘atilib, tergov harakatlari olib borilmoqda.