“Napoli” “Manchester Yunayted”ning 110 mln yevrolik taklifini rad etdi

“Napoli” Kalidu Kulibalu transferi borasida “Manchester Yunayted”ning taklifini rad etdi. Bu haqda La Gazzetta dello Sport xabar berdi.

Angliya klubi 27 yoshli futbolchi uchun 110 million yevro taklif qildi. Biroq “Napoli” prezidenti Aurelio de Laurentis senegallik himoyachini qo‘yib yubormoqchi emas.

Kulibalining shartnomasidagi tovon puli 150 million deb belgilanishi 2020-yildan kuchga kiradi, ammo klub bosh murabbiyi Karlo Anchelottining so‘zlariga ko‘ra, tovon puli miqdori 2021-yildan oshadi.

Noyabr oyida neapolliklar Kulibali transferi borasidagi “Yunayted”ning 90 million, dekabrda esa 103 million yevrolik taklifni rad etgandi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!