Buxoro aeroportida 2,5 asrlik qadimiy tangani olib ketayotgan yo‘lovchi to‘xtatildi 

“Buxoro aeroporti” chegara bojxona posti xodimlari tomonidan “Buxoro—Moskva” yo‘nalishidagi aviareys bilan uchib ketayotgan fuqaro H.A. to‘xtatildi. Bu haqda Bojxona qo‘mitasi axborot xizmati ma’lum qildi.

U o‘zi bilan 1750-yilda zarb etilgan qadimiy tangani olib ketishga uringan chog‘ida to‘xtatib qolindi.

Hozirda ashyoviy dalil sifatida vaqtincha saqlovga olingan qadimiy tanga Buxoro davlat badiiy me’morchilik muzey qo‘riqxonasi tasarrufiga topshirildi.