Samarqand shahrida Ramazon oyi sharafiga non, suv va nisholda odamlarga bepul tarqatildi

Joriy yilning 22-may kuni Samarqand shahrining Islom Karimov ko‘chasida muqaddas Ramazon oyi sharafiga bag‘ishlangan xayriya aksiyasi bo‘lib o‘tdi. Odamlarga kerakli mahsulotlar bepul berildi: non, suv va nisholda. Bu haqda Samarqand viloyati turizmni rivojlantirish departamenti matbuot xizmati ma’lumotiga tayanib Zarnews xabar bermoqda.

Aksiyani turizmni rivojlantirish bo‘yicha jamoatchilik Kengashi vakillari, “Ipak yo‘li” universiteti va Samarqand viloyati turizmni rivojlantirish departamenti xodimlari tashkillashtirdi. Tadbir yakunida tashkilotchilar 1-mehribonlik uyiga tashrif buyurib, bolalarga sovg‘a salomlar ulashdi.