Ganada daraxt qulab tushishi natijasida 20 nafar o‘quvchi halok bo‘ldi

19-mart, yakshanba kuni Ganada to‘fon tufayli yerdan sug‘urilib chiqqan daraxt ko‘lda suzayotgan bir guruh maktab o‘quvchilari ustiga quladi, deb yozadi “TASS”.

Hodisa mamlakat g‘arbida yuz berdi. O‘quvchilar guruhi mamlakatdagi eng yirik sharsharalardan biri Kintamponi tomosha qilish uchun ekskursiyaga kelgan. Qattiq shamol bo‘layotganiga qaramay, bolalar ko‘lda suzishga qaror qilgan.

Ayni shu paytda ularni bahaybat daraxt bosib qolgan: bolalarning bir qismi qattiq zarbadan halok bo‘lgan, boshqalari shoxlar orasida qisilib qolib, cho‘kib ketgan. Yana 11 o‘quvchi kasalxonaga yotqizilgan.