Krishtianu Ronaldu “Yuventus”dagi ilk mavsumini yakunladi

“Yuventus” hujumchisi Krishtianu Ronaldu A Seriyaning so‘nggi tur o‘yinini o‘tkazib yuboradi. Bu haqda klubning Twitter’dagi rasmiy sahifasida xabar berildi.

34 yoshli portugaliyalik “Sampdoriya”ga qarshi kechadigan 38-tur uchrashuvida maydonga tushmayd, u dam oladigan bo‘ldi.

Yozda jamoani tark etadigan klub ustozi Massimiliano Allegrining so‘zlariga ko‘ra, o‘yinchi kelasi oy Portugaliya terma jamoasi safida Millatlar Ligasi o‘yinlarida ishtirok etadi. Shu sababli Ronaldu so‘nggi turni o‘tazib yuboradi.

Ronaldu joriy mavsum Italiya chempionatida 31 ta bellashuvda 21 ta gol urdi.

Bu uning 2008/09-yilgi mavsumdan buyon chempionlardagi eng yomon natijasi bo‘ldi. O‘shanda Krishtianu “Manchester Yunayted” safida Premyer liga doirasida 33 ta uchrashuv o‘tkazib, 18 ta gol urgandi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!