Zelenskiy Ukraina qurolli kuchlarining Donbassdagi marralarida bo‘ldi

Ukraina prezidenti Vladimir Zelenskiy Lugansk viloyatiga ilk ishchi tashrifini amalga oshirdi. Bu haqda “Korrespondent” xabar bermoqda.

Bu yerda u Luganskoy va Schastye qishloqlaridagi ukrainalik harbiylar marralarini ko‘zdan kechirgan.

Zelenskiy jangchilar bilan maishiy sharoitlari, taomlar sifati, texnika, turar joy va ijtimoiy paket bilan ta’minlanishi, bo‘linmalarning shakllantirilishi bilan bog‘liq masalalar bo‘yicha muloqot qilgan.

“Luganskoy qishlog‘ida prezident oldingi marrada, jumladan, kuzatuv posti va blindajlarda bo‘ldi. Dushmanning eng yaqin marrasi 400 metr narida joylashgan”, — deyiladi prezident ma’muriyati xabarida.