Vladimir Zelenskiy Oliy Radaga prezident impichmenti haqidagi qonun loyihasini kiritdi

Ukraina prezidenti Vladimir Zelenskiy Oliy Radaga impichment haqidagi qonun loyihasini kiritdi. Bu haqda Meduza xabar bermoqda.

Prezidentning Ukraina parlamentidagi vakili Ruslan Stefanchuk Zelenskiy shu tariqa o‘zining saylovoldi va’dasini bajarganligini bildirdi.

Vladimir Zelenskiy saylovoldi kampaniyasi chog‘ida impichment haqidagi qonun u qabul qilishni taklif etadigan ilk hujjatlardan biri bo‘lishini va’da qilgandi.

Hujjatga ko‘ra, Ukraina prezidentiga davlatga xiyonat yoki boshqa bir jinoyat sodir etilgan taqdirda impichment e’lon qilinishi mumkin.