Matteys de Ligt uchun kurash avjiga chiqdi

PSJ “Ayaks” himoyachisi Matteys de Ligtga jiddiy qiziqish bildirmoqda. Bu haqda De Telegraf xabar berdi.

19 yoshli futbolchiga “Barselona” ham qiziqayotgandi, biroq kataloniyaliklar futbolchining transfer narxi borasida hali kelishuvga erisha olganicha yo‘q.

Ma’lum bo‘lishicha, Kataloniya klubi rahbariyati de Ligt uchun taklif qilgan narx miqdorini oshirmoqchi emas.

PSJ “Barselona”dan farqli o‘laroq o‘yinchi uchun 85 million yevro to‘lashga tayyor. Agent Mino Rayola talab qilayotgan katta miqdordagi tovon puli ham muammo emas.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!