“Real” Azar uchun yana yangi taklif bilan chiqdi

“Real” kelasi mavsumda erkin agentga aylanadigan yarim himoyachi Eden Azar transferi bo‘yicha “Chelsi” bilan muzokaralarni davom ettirmoqda.

The Telegraph’ning xabar berishicha, yaqin kunlarda Madrid klubi 28 yoshli belgiyalik uchun 106 million funtlik (120 million yevro) taklif bilan chiqmoqchi.

Avvalroq London klubi Azarni bonuslar bilan qo‘shib hisoblaganda 147 million yevroga baholayotgani haqida xabar berilgandi.

Eslatib o‘tamiz, Eden Azar yakunlangan mavsum Premyer ligada 37 ta uchrashuv o‘tkazib, 16 ta gol urdi va 15 ta golga assistentlik qildi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!